Sobre o IIM

O Instituto de Investigacións Mariñas (IIM-CSIC) é un dos principais centros de investigación mariña da Península Ibérica. Mirando cara ao Atlántico dende Vigo, unha cidade cunha profunda conexión co mar, o IIM-CSIC enfróntase ao reto de avanzar no noso coñecemento sobre o océano, dende as súas características físicas ata os alimentos que tomamos del e os procesos que interconectan todo o sistema.

Descubre máis
Investigación

A investigación é a base do traballo do Instituto de Investigacións Mariñas. Traballando arredor de tres temas centrais de investigación que se entretecen e conectan uns con outros, o persoal técnico e investigador do IIM-CSIC procura respostas relacionadas con nove liñas de investigación diferentes.

Descubre máis
Innovación

Aínda que a nosa propia investigación achega novos coñecementos sobre os nosos mares e costas, no Instituto de Investigacións Mariñas comprometémonos a ir un paso máis aló, xerando novas colaboracións co sector e con outras actividades económicas, sexan sectores ben establecidos como a pesca e a acuicultura ou sectores emerxentes, como a observación oceánica.

Descubre máis
Sociedade

A ciencia non está completa ata que se comparte coa sociedade. En tanto que institución pública de investigación, o IIM entende que o seu compromiso é coa sociedade e promove unha relación mutua coa comunidade que o rodea e unha perspectiva aberta sobre a ciencia.

Descubre máis
Traballo e estudo

O noso persoal técnico de laboratorio ou con licenciaturas en Ciencias do Mar, Bioloxía, Química e Enxeñaría, pero tamén en Economía, Dereito ou Comunicacións (tanto persoal empregado como en formación) contribúe ao carácter multidisciplinario do noso centro. Con máis de 200 persoas traballando nel, o IIM-CSIC é unha gran comunidade de persoas que colaboran no nome da ciencia, o coñecemento e a sostibilidade.

Descubre máis
Novas e eventos

Queres manterte ao día das novidades do IIM? O Instituto ten un equipo completo dedicado á comunicación e divulgación, que comparte as novas que van xurdindo e organiza eventos para chegar a todos os sectores da sociedade, dende outras persoas que traballan facendo ciencia ata estudantes escolares ou a propia cidadanía de Vigo.

Descubre máis

Cromatografía e ómica avanzada

O servizo de Cromatografía e ómica avanzada (ACOS) do Instituto é un servizo analítico orientado fundamentalmente a proporcionar análises mediante técnicas cromatográficas de forma transversal a todos os grupos de investigación do IIM-CSIC.

O servizo lévase a cabo utilizando cinco sistemas de HPLC equipados con detectores  UV-Vis, fluorescencia, IR, dispersión de luz e espectrofotometría de masas (EM) e as súas capacidades vense ampliadas polo uso doutros catro dispositivos de cromatografía de gases con detección por FID, EM con sistema de purga-trampa e EM en espazo de cabeza.

O servizo recibiu recentemente unha axuda EQUIPA 2021 por parte da Axencia Española de Investigación (AEI) para a adquisición dun espectrómetro de masas tríbrido de alta resolución, que permitirá aumentar as súas capacidades. A partir de 2023, grazas a este novo equipamento, o servizo ACOS poderá levar a cabo determinacións analíticas englobadas dentro das tecnoloxías de proteómica, lipidómica e metabolómica avanzada. 

Este servizo pretende tamén expandirse más aló do propio centro, de xeito que o ACOS poida dar servizo a solicitudes da comunidade científica de Galicia, España e o norte de Portugal.

Obxectivos e tarefas

  • Levar a cabo o mantemento e axuste dos equipos cromatográficos de uso xeral.
  • Levar a cabo distintas determinacións cromatográficas de metabolitos e compostos como metilésteres de ácidos graxos e hidrocarburos mediante cromatografía de gases/masas (GC-MS), nucleótidos e aminas de extractos ácidos de produtos pesqueiros mediante HPLC, polisacáridos e compostos obtidos da recuperación de subprodutos da pesca mediante HPLC con detección IR, dispersión de luz, etc.
  • Prestar apoio aos grupos que o soliciten na determinación de compostos mediante técnicas cromatográficas.

Equipo

More
Key info
Päxina web de ACOS en CSIC.ES